هرتلة (هري )

وصلنا لمرحلة ان كل الكلام الي يتقال مينفعش يتقال
خلاص ,, كل الي نفسك تحكيه مينفعش تحكيه
ولا تكتبه
ولا تعرفه لحد
هتفضل شايله جواك وبس
طب جرب تكتبته في تدوينة
تفتح و تقفل
تفتح و تقفل
وفي النهاية تستقر ... لأ مينفعش اكتبه ,, مش لازم حد يعرفه ,,, او مينفعش حد يعرفه

طب ما تقوله لاي حد
يمفنعش تقوله لحد
طب احكيه لاصدقائك
لا برده مينفعش اقولهولهم
طب هتحتفظ بيه لنفسك كده
اه مالها نفسي ,, ما هي زي الفل و ستر و غطا عليا
بس انت محتاج تحكي .
بصراحه اه ,, بس كده كويس ,, كده احسن بكتير ما اتكلم

بتوصل لمرحلة شايف كل الي حوليك مش من حقهم يعرفوا عنك اي حاجة
نهائيا
طب ما انت عايزهم يعرفوا عنك او يسالوا عنك عالاقل
بصراحه اه ,,
بس الواحد لوحده حلو برده

مفيش في الحياة امتع من انك تكون لوحدك
ماشي بدماغك ,, قيمك و مبادئك ,,, تتحرك براحتك ,, تتكلم م نفسك براحتك ,, تعمل كل الي انت عايزه ليك
بتحس بالحرية كده

كنت شفت مرة في فيلم راجل بيقول ان كل الي تعرفهم في الحياة دول انت كانك شايلهم في شنطة على ضهرك ,,, بتتحرك بيها و بتمثل عليك عبء  ,,, افتح الشنطة ,, تخلص من كل الاعباء دي ,, و متبقيش على اي علاقة لمدة طويلة ,,, هتحس بالحرية , واهلا بيك عودتك لنفسك

ساعتها انا اعترضت عالكلام ده و قلت و هو البني ادم ايه غير اهله و ناسه و صحابه و معارفه و مالناش غيرهم و كلام حبوب كده
والذيذ ان قصة الفيلم كلها كانت بتثبت خطا المقولة دي

بس حاليا انا حاسس ان كلامه صح
كل الي حواليك عبء
الي خايف عليك تموت
والي خايف عليك تتصاب
والي خايف عليك يجرالك حاجة
كل واحد لمجرد انه عارفك شايف ان من حقه يتحكم في حياتك و يقولك تعمل ايه
وفي النهاية انت لما بتتزنق.. و ينقح عليك الاحتياج  ,, تقعد تفرز في كل الي تعرفهم كده ,,,, اروح احكي لمين ,,, في النهاية بتروح تحكي لربنا احسن من كل حد

وحتى ربنا ساعات بكسف اروحله ,, بذنوبي الكتير دي ,, اروحله اعمل ايه ,, ولا اقابله بانهي وش ,, و لا ادعوه ازاي !!
بحس اني بجح حتى ,, كان فين ربنا و انت بتشتم فلان ,, كان فين ربنا و انت بتعلي صوتك على مامتك  كان فين ربنا و انت بتسمع اغاني ,,, كان فين ربنا و انت بترقص في فرح واحد على شعبي !! و الخ الخ ,, ذنوب الواحد مبتخلصش عادي يعني
مبتفتكروش غير لما تتزنق !!

طب انا اعمل ايه ,,, خليك مع نفسك ,, الى ان يقضي الله امرا كان مفعولا ,, و اقعد استغفر ربنا طول ما انت قاعد ,, و قوله يا رب سامحني و اغفرلي و اقبلني ,, عشان لما تحس انه غفرلك ,, او عالاقل بقى ليك وش تقابله ,, تجري عليه و تقوله يا رب سامحني و اغفرلي و عيني
يا رب انا بشتكي من كذا و كذا و كذا ,,
يا رب انا نفسي في كذا و كذا و كذا
يا رب من عليا ب كذا و كذا و كذا
وهو رحمن و رحيم و كريم هيسمعك و يجيبلك الي انت عايزه ان شاء الله