يارب ...

يا رب .....نفسي اقف بين ايديك ....
و ابكي ....

المحادثة ...

جاء ليحدثني .. و الاسى يقطر من عينيه
يخبرني بكل حزن و دهشة في نفس الوقت
" يا بلال .. انت تعرف ان احنا متراقبين ؟؟ الفيس بوك بتاعنا متراقب .. و برده تليفوناتنا متراقبة ؟؟"
لم استطع تمالك نفسي من القهقهة بصوت عالٍ عندما انتهى من جملته .. فهي كانت تبدوا لي من اكثر العبارات سيريالية سمعتها مؤخرا لا  لعدم اقتناعي بمحتواها فربما يكون صحيحا بالفعل .. لا ادري حقيقة السبب الذي جعلني اضحك بهذه الطريقة عندما اتم جملته
بعد ان انهيت ضحكي رددت عليه " و بعدين ؟ "
لم تعجبه ردة فعلي .. ولكنه استدرك " يعني مينفعش يا بلال تعمل شات جروب ممكن يتمسك حرز علينا بعد كده ! "
" ههههههههههههههههههههههههههههههههههههههههههههههه "
كتمتها هذه المرة .. فقد احسست ان الموضوع بالنسبة له يبدو كارثي .. و خطير
تبا لي يا لي من وغد  اني قمت بعمل شات جروب يبحث عن افكار لنشر فكرة زملائي المعتقلين .. من الشارع !!
استكمل كلامه قائلا " احنا  اقل مننا و معمولهم ملفات يا بلال !! هما حاطين عينهم على كل كوادر الجامعه و راصدينهم و مش بعيد احنا يكون لينا دوسيهات مش ملفات !! "
حينها لم استطع تمالك نفسي .. فانفجرت ضاحكا بصوت عالٍ التفت له كل الحضور .. ثم قلت له من بين ضحكاتي
 " يعني انا كادر !! "
ثم قلت له " على فكرة هما لو عايزين يقبضوا عليا هيقبضوا عليا من زمان .. مش هيستنوا شات جروب يقبضوا عليا منه
ولا مكالمة تليفون ! ده غير ان هاني و مصطفى ولا عملو شات جروب .. و لا مكالمة تليفون .. ولا كان ليهم في اي حاجة اصلا . و اتقبض عليهم برده ! "
رد عليا قائلا " الموضوع مش موضوع خوف . انا بتكلم في لتليفون عادي بس انا كل الي مدايقني انهم بينتهوا خصوصياتي !!"
انت عارف .. من بعد 3/7 و كل الكوادر و الناس الي ليها راي معمولهم ملفات و الناس الي حتى نزلت مظاهرة يوم واحد في الجامعه معمولها ملف "
" لو عايز حاجة كلمني و قولي تعالى عايزين نتقابل و نحكي براحتنا .. انما منسلمش نفسنا ليهم و لا نخليهم يمسكوا علينا حاجة ! "

انقذني من هذا الحوار قدوم احد اصدقائنا علينا .. سلمت عليه و انتهزت الفرصة لانسحب .. و اسرح بخيالي قليلا ...
افكار كثيرة متضاربة
حرز عبارة عن شات جروب !! هايل !!
50 طالب مضرب ... 1700 طالب معتقل ... 23 الف معتقل
محمود سعد .. احمد السيد .. ياسر معاذ ..
اكثر من 1500 شهيد ...
انسان مشوه ... بحثت عني كثيرا ولم اجدني ...
منذ 8 اشهر .. لا اعلم كنت افضل ام اسوا .. و لكني اجزم اني كنت مرتاح البال ..
عجز وقهر ؟؟ ام تربية و تهذيب ؟
اعداد ؟؟  هل استحق ؟؟
صراع الكلمات
-" اللهم اخرجنا من هذه القرية الظالم اهلها  و اجعل لنا من لدنك وليا و اجعل لنا من لدنك نصيرا "
-" فمن للامة الغرقى اذا كنا الغريقينا "
-"و من للغاية الكبرى اذا ضمرت امانينا "
- " و من للحق يجلوه اذا كلت ايادينا ؟ "
-" انا مستعد اتنازل عن اي حاجة عشان مصر .. حتى الجنسية "
-" إنت فين يا هاني ؟؟ "
-" الهجرة هي الحل "
-" اللهم انا نعوذ بك من غلبة الدين و قهر الرجال "
....
.......
..............

انتهى
( او هكذا ازعم )