فرصة

عن فرصة 
ربما يمتد انتظارك لها لسنة 
و ربما تمضي الشهور استعدادا لها 
و تعيش على املها 
و تجلس بانتظارها
و تعلق عليها امال 
تتعلق بمستقبلك كله 
و حياتك باسرها 

و عندما تاتي اليك 
يذهب كل هذا ادراج الرياح 
و تتركها 

لا اخفيك سرا ,,, ربما ينتابك  حينها احساس بالقهر لا يمكن و صفه 
و ربما تنقم على كل هذه الحياة و اهلها 
و ربما تفقد الرغبة في الحياة 
فانت اصلا .... لا تستحقها 

*الكلام غير موجه لشخص حضرتك 

عن الاسلام دين السلام ..

من خلال قراءة الواحد سواء في كتاب ربنا او سيرة النبي بيلاقي مواقف و ايات كتييرة ,, تؤكد ان ديننا ليس الا دين سلام و رحمة ,, دين مودة و تراحم ,, دين لا يبدا ابدا بالظلم و العدوان ,, دين اكثر ما يحترم هو حقوق الاخر فعندما تقرا الايات على لسان سيدنا ابراهيم و هو يقول "وَإِذْ قَالَ إِبْرَاهِيمُ رَبِّ اجْعَلْ هَذَا الْبَلَدَ آمِنًا وَاجْنُبْنِي وَبَنِيَّ أَن نَّعْبُدَ الأَصْنَامَ ﴿35﴾ رَبِّ إِنَّهُنَّ أَضْلَلْنَ كَثِيرًا مِّنَ النَّاسِ فَمَن تَبِعَنِي فَإِنَّهُ مِنِّي وَمَنْ عَصَانِي فَإِنَّكَ غَفُورٌ رَّحِيمٌ "

بصوا الرحمة و التسامح ,, الطبيعي في الموقف ده من نبي ربنا بعثه للناس انه يدعي للي يؤمن بيه و يتبعه و يدعي على الي مش هيتبعه ,, انما سيدنا ابراهيم بيقول و من عصاني , فانك غفور رحيم ,, سامحه يا رب !!

ياااه ,, هو في دين كده ,, في انبياء كده ؟!! 

لسه في حد في دنيتنا دي مش عارف يتقبل الاخر 

لسه في مسلم بيتمنى هلاك من لا يوافقه في الراي !؟

بصوا على سيدنا النبي عليه الصلاة و السلام لما راح الطائف ,, و تعرض من الاتعذيب و التنكيل و الاستهزاء و السخرية و الرفض ما لا يطيقه بشر منا 

ولما جاله سيدنا جبريل بيقوله ربنا ارسل معي ملك الجبال ,, لو اردت ان يطبق عليهم الاخشبين لفعل 

اي حد مننا مكانه لو منتقمش لنفسه انه اتهان و اتعذب هيقول انا بنتقم لدين ربنا الي اتهان على ايد الناس دي و انهم ماكرموش النبي مرسل 

هل حد كان هيلوم عالنبي ؟! بالعكس ده احنا كنا هناخدها كمعجزة من معجزات النبي على الناس الي مسمعوش كلامه 

بس بص رد النبي عليه الصلاة و السلام ,, قال لا ,, لعل الله يخرج من اصلابهم من يوحد الله و رسوله !! 

يااااااااه يا رسول الله ,, ايه الرحمة و العطف ده !! 

يا ترى هتقول ايه لو شفت الي المسلمين بيعملوه في بعض دلوقتي !! 

طب انت تعرف ان الامام الشيخ العلامة ابن باز اصلا من اهل الطائف !! 

وصدق الله حين قال , و ما ارسلناك الا رحمة للعالمين 

سيدنا محمد يوم احد ,, لما شج راسه و سالت منه الدماء الشريفة و اصيب اشد المصاب 

قال له الصحابة يا رسول الله الا تدعوا عليهم 

فيقوم النبي يقول ,, اللهم اهد قومي فانهم لا يعلمون !!! 

يا حبيبي يا رسول الله 

تخيلوا ان ده ديننا 

تخيلوا ان ده اسلامنا

تخيلوا ان احنا لو فعلا عايزين نتبع النبي المفروض نعمل كده 

سيدنا محمد صلى صلاة الجنازة على عبد الله ابن ابي بن سلول ,, راس النفاق ,, يعني النبي مع انه عارف ان ده منافق , و بيعادي الاسلام و المسلمين ,, بس صلى عليه و نزلت الاية "ولا تصل على احد منهم مات ابدا و لا تقم على قبره "  ,, لأان سيدنا محمد بفطرته  لايحمل في صدره كره ولا ضغينه لاحد ,, هو يتمنى هداية الخلق اجمعين 

نفسه كل الناس تدخل الجنة ,,, هي دي رسالته في الحياة 

لو كل واحد فينا عاشن عشان يخلي كل الي حواليه يدخلوا الجنة هيكون من السباقين و الله !! 

الي هيقرا سيرة النبي هيلاقي ان النبي لم ينتقم قط لنفسه ,, ما انتقمش الا في بعض مواقف  من عدد معين من الاشخاص لا يعد على اصابع اليد الواحده 

و الانتقام كان اما بسبب انهم خانوا الرسول ,, زي بني قريظة ,, نقضوا العهد و شكلوا في لحظة ما خطر حقيقي على مسيرة الاسلام كلها ,, فوجب التعامل بالشده و الحزم 

و بعض الناس الي النبي عفا عنهم لكنهم رجعوا الى مكة فانقلبوا عليه و عادوا لقتاله  مرة اخرى و نقل اسراره الى اهل مكة 

يعني مواقف بسيطة جدا 

ديننا مش دين عنف

ديننا مش دين كره 

ديننا دين رحمة و سلام و مودة و تاالف 

نفسي نفهم ده 

نفسي ننقل صورة حلوة عن ديننا للناس كلها 

عامل كل الي حواليك بتسامح و متشيلش من حد , مفيشح حاجة تستاهل انك تعادي حد 

و الي بيدعوا كرههم للناس لانهم اعداء للاسلام 

شعور جميل يقدر حرصك على دينك 

و لكن على التسليم جدلا انهم من اعداء الاسلام , لو عاملتهم زي ما النبي عامل اعداء الاسلام ,, صدقني تعاملهم هيختلف كتيــــــــــــــــــر 

اقروا كتاب ربنا ,, و اقروا سيرة النبي ,, هتلاقوا حاجات كتيرة قوي من دي ,, و حاولوا تعاملوا الناس كلهم زي ما النبي عاملهم ,,, دول شرق اسيا اسلمت كلها باخلاق و تعامل المسلمين مش بدعوة و لا حرب ,, فقط هي الاخلاق ,, , اعتقد ان على راسها كان الصدق و الامانة ,, و التسامح ,, لو حد من هناك كان شاف ان ديننا كان داع عنف مستحيل كان هيؤمن بيه 

ربنا كده كده هيعز دينه  تاني و هينصره تاني , بس مش بالعصبية ولا حتى لدينه , فالعصبية مذمومة وديننا لا يدعوا الى مذموم 

ديننا هينتصر لما نلتزم باخلاقه ,,,,

سلام :)

كلام في السياسة

في ظل هذه الاحداث المتتابعه و المتلاحقه 
التي لا تعطي المرء فرصة لالتقاط انفساه 
يبقى الوطن على صفيح ساخن ,,, 
يعاني بين صراع و شد وجذب 
بس هؤلاء و لا هؤلاء 
و يشهد الله 
اني لا انتمي الى هؤلاء و لا الى هؤلاء 
ولكن ....
القصة باختصار 
هي وجود فئة من المجتمع 
يقع عليها الان ظلم بين 
ظلم و اضح و صريح ,,لا ينكره اي انسان ذو عقل او رشد او انسانية 
ما بين اعتقالات 
و تنكيل 
و تعذيب 
و قتل للمصلين 
و قتل للنساء الابرياء 
و الاعتراض بالاهانة و التجريح و الضرب و الشتم لكل من نزل يعبر عن رايه بسلمية 
بين رجال اصبحوا لا يامنون على انفسهم في وطنهم لمجرد انهم ... ملتحين 
بين نساء اصبحن لا يامن على انفسهن في الشارع لمجرد انهن ... منتقبات 
بين نظرات احتقار و ازدراء تتجه صوب كل من يحمل في منظره او كلامه او تصرفاته  ما يسقطه بعضهم على ناس باعينهم 

بين تعتيم رهيب عن القتل و سفك الدماء 
بين فرحة و شماتة في سيلان الدم المصري و المسلم !!
بين جملة "يستاهلوا الحرق" التي اصبحت تسمعها او تقراها كثيرا عن الاخوان المسلمين !!

بين ابناء وطن واحد تحولو الى اعداء 
يتمنى بعضهم هلاك بعض 
في ظل هذا الظلم البين الواضح ,,, لا يسعني السكوت عن الوقوف الى جانب المظلوم.

مع اعتراضي التام على اداء الاخوان و الرئيس في الفترة الاخيرة 
و قناعتي بفشلهم في ادارة البلاد 
ولكن هذا لا يعني السكوت على ظلمهم 
فشتان بين الخلاف السياسي و الخلاف الدموي 

اعتراضي التام على ما قام بفعله الفريق عبد الفتاح السيسي ارى انه مسئول عن ما وصلنا اليه الان 
بل انه قد دفعنا اليه دفعا 
فبعد ان رفض محمد مرسي طرح الامر في استفتاء عام ليتم حسم امر بقائه من عدمه 
توقعت ان يقوم بها السيسي 
و لكنه للاسف انحاز انحياز مطلق لفصيل تاام من الشعب دون الاخر 

مما يورث الاحساس بالظلم و القهر 
و لكل من جربهم  فهو يدرك مدى مرارتهم 
و من لم يجربهم اسال الله لك السلامة 
ولكن المختلف هنا هو ان احساس الظلم و القهر تولد لدى اناس تعودوا عليه لاكثر من نصف قرن من الزمان 
بين اعتقالات و قتل و تعذذيب و اختطاف و غيرها 
فلا تنتظر منهم التسليم يا عزيزي 
بدون مبالغه هم على استعداد ان يدفعوا ارواحهم ,,, لكي لا يعودو الى هذه المعاناة مرة اخرى !!

تاييدي التام للمظلومين الموجودين في الميادين حاليا 
مجرد و جودهم و هم لا يامنون على انفسهم , سواء من بعض الناس او من رجال الشرطة و الجيش لهو كاف لتعاطفي معهم 
فمن الواضح انه لم تعد توجد اي حريات في زماننا هذا 
حريتك لا بد ان توافق رايي و الا فلتذهب بحريتك الى الجحيم!! 

لن اتحدث مرة اخرى عن الثورة و اهدافها ,, فالحديث فيها اصبح من الابتذال بمكان ! 
الله يرحمها :) 

ولكني اكرر , الحديث عن رفع الظلم عن فئة مظلومة ,, اي كان ما فعلوه فهم اخوتنا في الوطن 

و ترى التبرير المنتشر للاعتقالات بانهم دعاة عنف 
في حين انه لم يسمع لاي منهم اي تصريحات تحرض عن عنف او غيره ,, و احبث في اسماء المعتقلين و تصريحاتهم 
في حين ان المحضرين الرئيسيين على العنف المتمثلين في قيادات الجماعه الاسلامية (عاطف عبد الماجد و الزمر) تراهم احرار طلقاء يبثون كلامهم في كل مكان ليحسب على غيرهم ,, بالطبع هو غباء ايضا ممن سمح لهم بالكلام !! 

ولكن يا عزيزي ,, يا من تبحث عن دعاة العنف لتنتقم منهم ,, هاهم امامك ,, تملأ تصريحاتهم الشاشات و الجرائد 
فلتقتص لنا منهم 
و اترك من لا ذنب لهم 
فان دعوة المظلوم ليس بينها و بين الله حجاب 

نزلت بعض المظاهرات حين سنحت لي الفرصة 
و على الرغم من اعتراضي على بعض الهتافاتفليس من قيمي ان اهتف بمجد اشخاص قط 

ولكن مجرد رؤيتك لهؤلاء الناس و لمس احاسيس الظلم بدااخلهم 
و احساسي باني نازل لدفع الظلم عنهم ,, يشعرني بالرضا عن نفسي و عن قراري 

فقد قال النبي صلى الله عليه و سلم انصر  اخاك مظلوما او ظالما 
قالو يا رسول الله ننصره مظلوما فكيف ظالما , قال تاخذ على يده 

هي النية الرئيسية من تاييدي لكل من في الشارع الان 
و اتمنى لهم  السلامة ,, و ان يعيشوا امنين في وطنهم ,, لا يخشون على انفسهم او ذويهم ولا يحسوا بالقهر او الظلم في بلادنا ابدا 

حفظ الله مصر و شعبها و نجاها من كل مكروه و سوء ,,, قصم ظهر كل من اراد بها شرا 
اللهم امين 

رمضــــــانيــــات ..

* في رمضان ده في حاجة عجيبة ... اما الشياطين لم تصفد ,,, او ان الشياطين لم تعد لها حاجة في ان تصفد ,, فقد تركت من اتباعاها من يقومون بواجبهم على اتم و جه
شفت في رمضان ده ناس ابليس ينحني للتعلم منهم
يكفي انك تاخد لفة في مسلسلات رمضان السنة دي ,, كمية الفجر و العري و الاباحية و السفالة الي فيها غير مسبوقة ,,,
رمضان السنة دي لاول مرة مسلسلاته تتنافس كلها في مين هيدي الصائم ذنوب اكتر
و في فنانات محترمات بيتنافسوا كلهم في مين هياخد ثواب افطار صائم !!
فلما تلاقي هاني سلامة ,, الممثل الي متشوفوش في فيلم غير و تعرف ان الفيلم ده مليان سفالة ,, بيقدم مسلسل في ر مضان اسمه الداعية , بيتكلم فيه عن قصة شيخ من الشيوخ الدعاة الشباب (الي ليهم صدى كبير لدى الشباب في مجتمعنا الان ) ولكنه شيخ منظر و مالوش دعوة بالاسلام بشيء !!
عادي ,, ما هو بعد ان تم اسقاط كل من هو بدقن و بيتكلم في دين ربنا  و معادش ليهم كلمة و اصبحوا مثارا للسخرية
تم التوجه للبقية الباقية الي بتكلم الناس في دينها من الدعاة الشباب ,, حتى لا يبقى في امتنا من يكلم الشباب في دينهم ,,
واكاد اجزم لكم ان اول من سيجني نتاج هذه المسلسلات هم نحن ,, سنجنيها فجور و فسوق و سفالة و قلة ادب في مجتماعاتنا ,, اختفى رادع الدين ,, و كل واحد بقى شايف الدين على مزاجه
فبقى طبيعي تشوف واحد بيقولك انت تقولي ان كذا حرام بس انا حر اعمله و لا معملوش ,, انا مقتنع انه حلال و عايز ربنا يحاسبني على كده !!! هو انت بتنقي جوافه !!!

وتلاقي الاية من كتاب ربنا واضحه و صريحة بتقول
 "أَرَأَيْتَ مَنِ اتَّخَذَ إِلَهَهُ هَوَاهُ أَفَأَنتَ تَكُونُ عَلَيْهِ وَكِيلا. أَمْ تَحْسَبُ أَنَّ أَكْثَرَهُمْ يَسْمَعُونَ أَوْ يَعْقِلُونَ إِنْ هُمْ إِلاَّ كَالأَنْعَامِ بَلْ هُمْ أَضَلُّ سَبِيلا "
الايات واضحه و مش محتاجة لشرح 
في النهاية رمضان ده فرصة عشان نكتشف حاجة مهمة جداا ,, ان احنا نفوسنا بقت وحشة قوي ,, معادش فارق معانا شياطين او غيره ,, الي بيعمل معصية بره رمضان بيعملها جوه رمضان برده عادي ,, معندوش نية حتى يتوب عنها 
الا من رحم ربنا 
ادعوا ربنا يرحمنا برحمته و يهدينا عشان الي احنا فيه ده من استهتار كامل بالدين خاصة في شريحة الشباب نذير شؤم  ونذير بالهلاك دنيا .... و اخرة :) 
*************************************************************************************************
احساس ممتع قوي لما تبقى بتدعي ربنا بحاجة و بتلح عليه فيها ,, و تلاقي الاستجابة مش في صورة اجابة للدعاء بس في صورة تعمل ايه عشان تحقق الي انت عايزه ده
بتحس ان ربنا بيطبطب عليك كده بيقولك انا سامعك و عايزك تجيلي بس لازم تسعى ,, انت اذنبت كتير و الجنة مش سهلة ,, و تلاقي الشيخ في الجامع بيتكلم عن وصفة او تعمل ايه عشان خاطر تحقق كذا و كذا و كذا
ربنا رحيم قوي و رحمن قوي و بيحبنا قوي و الله ,, و ونفسه نرجعله ,, احبــــك ربي :)
*****************************************************************************
رمضان ده بدون فيس بوك ,, من ضمن القرارات الي خدتها و الي بحاول انفذها دلوقتي
هتكلم على حاجتين مختلفين ,, اول حاجة احساس البركة في الووقت الرهيب الي موجود بدون فيس بوك بيخليك تقدر تعمل حاجات كتيرة ,, فعلا مالوش وقت في رمضان !
ثانيا الحاجة الوحيدة الي مفتدقها في الفيس بوك هي اني احكي ,,اتكلم و اقول الي عندي اي كان ,, هو كان قناة للتعبير عن الراي بتشارك فيه الناس  
هو مجرد رغبة بشرية يشبعها الفيس بوك بقوة و هو انك تحس ان في حد بيسمعك ,, حتى لو مبتاخدش منه رد فعل و دي حاجة انا بفضلها في كتير من الي بكتبه ,, انا بكتب و مش مستني رد فعل معين من حد ,, بكتب لاني عايز احكي , و بس :)

اضطريت ادخل قريب عالفيس بوك لحاجة مهمة فدخلت دقايق يعني و طلعت على طول,,, و حمدت ربنا اني مش موجود عليه كمية هري و حرقة دم و تفاهات و مواضيع عجيبة  الناس بتتكلم فيها في رمضان ,, بجد الي مقضي رمضان عالفيس بوك معتقدش انه حاسس بطعمه :)
*******************************************************************************
عن كتاب ربنا ,, المعجزة التي يحملها كل من في يديه ,, عن الراحة النفسية العجيبة لما تسمع صوت الشيخ المعيقلي ينساب من اي مكان ,, تتنهد تنهيدة تخرج بها كل ما في صدرك من ضيق و قلق و توتر  و تستعد للانتقال الى عالم اخر لا ينتمي لدنيانا ,, يدعدغ ثنايا قلبك بلطف و هدوء ,, تحس به اليد التي تربت عليك تقول لك ,, لا تحزن ,, ان الله معك
تشعر بكل اية في القران يخاطبك بها الله , فيضطرب قلبك مع ايات العذاب و النار
و يبتهج قلبك مع ذكر الجنة و نعيمها
تفرح عندما يذكر الرسول او اصحابه و تتمنى لقائهم
يخفق قلبك بقوة عندما تحس بربك و هو يخاطبك في اياته ,, يطلب منك ان تدعوه و يعدك بالاجابة , يعدك بالنصر القريب ,, يعدك بنصرة المظلوم و القصاص من الظالم
عن الكتــاب المعجز ,, الذي كلما قرأته اخرجت منه معاني الانسانية و الرقي و التحضر
لا الرجعية و الارهاب و التخلف كما صوروها
اللهم لك الحمد على نعمة القرآآن الكريـــم :)
*****************************************************************************
كفاية كده دلــوقتي ^_^

اي كلام فاضي ... معقول

رمضان كريم عليكم و كل سنة وانتم طيبين

اكتر حاجة مفقتدها في رمضان ده هو  رمضان ,,, مش عارف ليه مش حاسس باجواء رمضان ,, مش لاقي نفسي , ,مش لاقي بهجة رمضان ,, مش لاقي روحانيات رمضان ,,, حاسسه ايام عادية + القيام و الصيام  ومش عارف هل ده احساسي لوحدي ولا احساس حد تاني
قد يكون ده بذنب اذنبته اسال الله ان يغفرهولي و يقبل توبتي في هذا الشهر الكريم
بس فعلا نفسي قوي احس برمضان
احساس ان في حاجة ناقصة بس  انت مش عارف ايه هي ,, بس حاسس بفقدانها ,,,, هي دي الي تبوظ عليك احساس رمضان
الواحد بيجتهد على قد ما يقدر يطلع باكبر استفادة من شهر رمضان ده ,, الله المستعان
بكل صدق اسالكم الدعاء :)

*********************************************************************************

عن السياسة
الشيطان الذي اقتحم حياة كل المصريين
ففرق بين افراد العائلة الواحده ,, و افسد الروابط بين الاصدقاء ,, ,, و اوقف عقول المفكرين ,, و اضاع صيام الصائمين ,, ,, و ابطل تركيز المصلين ,, و حسبنا الله و نعم الوكيل
بقت شيء مستفز و اووفر قوي
مش بس بقى مطلوب منك راي معين لأ و مطلوب منك تصرفات معينة كمان عشان تثبت ولائك للراي ده
يعني لما اقابل واحد و انا رايح اصلي التراويح ,, و يقولي اني معنتش بحب الاسلام ولا الدين عشان خاطر مبقيتش بقف في مظاهرات !!
في ثانية بقيت كافر وانا رايح اصلي التراويح لمجرد اني مبقفش في مظاهرات
و حسبنا الله و نعم الوكيل :)
********************************************************************************

نفسي بجد نقدر اني ممكن مبقاش عايز اعمل حاجة لاني مبحبش اعمل كده ,,  ده سبب كافي !!
لا الحاجة دي غلط و لا حرام و لا فيها اي حاجة و حشة و حاجة محترمة و 10 على 10 ,, بس نا مبحبش اعملها ,,, مش بستسيغها !!
مش لازم كل حاجة صح في الحياة اعملها ,, مش هلحق و الله
او ممكن كمان اكون بحبها بس مش عايز اعملها دلوقتي ,, مش متقبلها !!
انا حر  هل انا ضريت حضرتك في حاجة ,,, لأ  يبقى خلاص مش من حقك تنتقدني ,,, و مش لازم تعرف كل الاسباب الصريحة و الواضحه ,, اكتفي ب مش عايز اعمل كده او مش بحبها ,, سهلين وضاحين اهوه و مبيزعلوش حد ,,, و بيعبروا عن الي جوايا !!
*******************************************************************************

عن خواطر 9 

بسمة الامل الي بتنور في حياة  الواحد كل رمضــان 

بجد اذا اردت ان ترى المعنى الحقيقي للاحسان تابع البرنامج ده 

الاحسان فيه في كل شيء ,, بدءا من اول ثانية فيه ,, و حتى اخر ثا

نية  فيه 

من اول تتر البداية و ابداعه و ازاي ملائم لموضوع البرنامج 

الى تتر النهاية و اختيار الكلمات الرائعه المعبرة و المؤثرة  مع الصوت الندي الي يلمس شغاف قلبك بسهولة و بدون استئذان 

و عن المحتوى ,, الي بيمس كل واحد فينا ,,, محتوى بيقولك فوق ,, لسه في امل ,,, الناس فيهم خير 

عن الروعه في اختيار تسلسل الاجزاء ,,, فعندما تتحدث عن دعاة للنهضة و التقدم  فلا بد ان تذكر جميع العوامل التي تحقق النهضة و التقدم 

فينتقل احمد الشقيري هذا الموسم من الجانب المادي و الحضاري لنهضة الامم المتمثل في المعمار و التكنولوجيا و العلوم و غيرها 

الى الجانب الانساني ,, الجانب الاخلاقي ,, و هو من اهم الاركان التي تؤدي الى نهضة الامم و تقدمها 

و ياتي هذا الطرح في عنوان و شعار رائع باسم "افلا يتفكرون"  ,, عنوان يدفعك الى ما يسمونه بالتفكير الا ارادي :D 

فتجد نفسك تندفع للتفكير في كل كلمة تلقى في البرنامج ,,و ياتي هذا الطرح مع عدد كبير من الاسئلة التي يتم طرحها في الحلقة كتطبيق عملي 

برنامج خواطر من اهم البرمج الي بتساهم بصورة مباشرة او غير مباشرة في تغيير جيل الشباب ,, تغيير الفكر ,, تغيير الاخلاق , برنامج يساهم في اعداد جيل قادر على التغيير ,, و يؤمن بمعنى الاحسان 

و لكم اغبط احمد الشقيري ,, فكل انسان انتهج قيمة ال"احسان" في حياته و حرص كل الحرص على الالتزام بها في كل جوانب حياته فهو في ميزان حسناته اسال الله ان يجمعني به في الدنيا و الاخرة في مستقر رحمته ,, حتى استطيع التعبير عن بعض ما يدور في قلبي من مشاعر الشكر و الامتنان و الحب و التقدير لاخي الاكبر احمد الشقيري :) 

********************************************************************************

متحدين نقف ,,,, متفرقين ... نسقـــــــــــط 

ميزنا الله بان لنا عقلا يتدبر
و يهيم بارجاء الدنيا كي يسعد فيها و يعمر
اولست ترى الانسان بها دوما يتغير
ما اروع عقلا يستهدي يسال يتامل يتفكر

فخواطرنا من تلهمنا نور الإحسان لما نبصر ..
وفضول العلم يداعبنا وطموح الخير بنا يكبر
سنبوح بكل خواطرنا إن كنا في جهل نتحرر ..
 لحياة أكثر إحسانا نتأثر فيها ونؤثر
ميزنا الله بأن لنا عقلاً يتدبر يتفكر
فخواطرنا تلهمنا ولإحسان ترشدنا ..
ميزنا الله بأن لنا عقلاً يتفكر

فلنتفــــــــكر