Me

,,The MOST Person   I Need IS ,,,, Me 

تخاريف اخر الليل

الواحد ساعات بليل كده دماغه بتطق منه ,,, وبيجيله افكار ,, الله اعلم صح ولا غلط ,, حلوة ولا وحشة ,, بس هي لحظة تجلي ولازم تتسجل 

* في قرارات كده الواحد بياخدها في حياته 
الناس بتفتكر انك مش بايدك تاخد قرار في الموضوع ده (لا ارادي ييعني ) بس الحقيقة ان الموضوع اصلا كله بقرار منك انت
الحمد لله في العديد من القرارات خدتها في حياتي على الصعيد الشخصي 
مريحاني كتييييير 
اهمها قرار خدته من فترة تقريبا سنتين كده او اقل شوية
و تقريبا القرار ده محور تغير في حياتي 

* الو ... ازيك يا بلال اخبارك ايه
انا بس بتصل او باعتلك اطمن عليك عشانك وحشتني مش اكتر 

يااااااه
تليفون او رسالة زي دي بتبقى متعة من متع الحياة و الله ولو انتوا  محرومين منها جربوا تعملوها مع الناس هتعمل في حياتكم فرق 

* في حاجات  كتييير في حيااتي 
لو هاااخد بااالي منها 
كان زماااني زعلت من ناااااااس كتييييير قوي بحبهم 
بس مبدا عظيم الي قاله مبارك "يااا رااااااااااجل ,, كبر مخك " 

* انت FAAAKE قوي على فكرة 

* عزيزي ,,, احترس فانت على حافة الغرور :) 

* اكثر ما اخشاااه على نفسي هو الفتنة ,,, اللهم احفظنا من الفتن ما ظهر منها و ما بطن 

* تفتكروا ايه ممكن الواحد يعمله في حياته يسيب بيه بصمة ,,, حاجة مضمونة يعني ممكن اي انساااان في الحياة يعملها مش لازم يكون عنده اي مؤهلات 
من وجهة نظري ,, يربي ولاده صح ,,, دي كفيلة انها تدخله الجنة ومفيش بصمة احسن من كده 

* ساعات كده ربنا ممكن يبتليك ابتلاء ,,, بتبقى مداااايق و زعلااااااان و تفضل تتوسل الييه يرفع عنك البلاء ده 

ولما يرفعوا عنك تلاقي نفسك بتقع في بلاءاات اكبر منه لدرجة انك تكره عيشتك و تروح في داهية 
يعني في جملة او مثال كنت قريته عالفيس ,, فيما معناااه يعني

ممكن ربنا يكون مبتليك بذنب ,, طول ما انت بتحاول تتخلص منه بتاخد عليه ثواب 
ولو اتخلصت منه ممكن تعجب بنفسك انك قوي و 7 رجالة في بعض و عرفت تقهر نفسك و بتاع 
يقوم في ثانية يحبط عملك و يدخل في قلبك العجب و الكبر ,,, ولااااااااااااا تسوى عند ربنا حااجة
وتروح جهنم حدف 

فهنقول مرة تانية ,,, اللهم احفظنا من الفتن ما ظهر منها و ما بطن 

* ساعات كده ,, بتبقى بتحب حد ,,, بس مدايق من شوية تصرفااات و افعاال و حركاات و كلمااات بتصدر  منه تجاهك 
ولكنك على يقين تااام انك لو فاتحته في الموضوع ده ,, لن يستجيب ولن يتقبل ,, لاسباب عديدة لا يعلمها الا الله 
المهم ان الموضوع مجرب يعني 
فبتبقى مضطر تيجي على نفسك كل مرة ,, و تقول معلش لله 
يلا كله بثوابه 


* هو من الواضح ان التدوينة دي سودة قوي مقولتش فيها اي حاجة عدلة لغاية دلوقتي 

* بمناسبة الصحاب بقى
في صحاااب كتيير لياا 
من ايااااام زمااااااااااااااااان 
وحشووني جدااا جدااا جداااا 
مقصر معاااهم كلهم 
بس فعلا مفتقدهم ,, نفسي اشوفهم قريب ان شاء الله 

* حد فاكر ايه هما المستحيلات الثلاثة ؟؟
ولا هما كانوا 7 باين??
المهم كان في شوية حاجات مستحيلة كده حد فاكرها ؟ :D

انا بقول كفاية كده النهارده :D 

الخادم الحائر - النهاية

وهنا رفق به ملك اخر
فارسل الى خادمه
يقول له
"الا تستحي من نفسك
لقد تركت سيدك و مولاك
الذي علمك و كبرك
و اعلى مقامك و شانك
بعد ان كنت خادما حقيرا
لا تستطيع ان تفعل شيئا
ولا تقوى على فهم شيء
واول ما فعلت ان هجرته
تبا لك!!
ياااالك  من  خادم عاص "

واستقبل الخادم هذه الرسالة القاسية
و فجرت العديد و العديد من التساؤلات في راسه
و زادته الما و حيرة
فبعد ان كانت طريقه جميلة و مريحة
اصبح لا ينقطع عن التفكير في سيده
وماذا يفعل ,, فهو يحبه
هو يرى ان هذه الطريق ستفيده اكثر لما يؤهله له سيده
ثم سال نفسه
لماذا كل هذا الحزن من الملك
لماذا لا يثق فيه الملك
لماذا لا يثق في تعاليمه له
هو يعلم ان الملك يخاف عليه
فقد تعب في اعداده
وها هم قد شارفوا على الوصول
و يخشى الملك ضياعه
ولكن لو ان الملك تركه يكتشف هذا الطريق وحده
فسوف تكون الاستقادة اعظم و اقوى
سوف يستطيع ان يضيف الكثير و الكثير الى تلك المملكة العظيمة المترامية الاطراف
سوف يتعلم الجديد و الجديد من الاشياء التي لم يراها الملك قط
و يعتبرها الملك اشياء سيئة ,,, لمجرد انه لم يراها من قبل ؟!!

و تزداد حيرة الخادم
و ترواده راسه احيانا على الرجوع
والسير مع الملك في طريقه
فهو في النهاية سيده
ولا يرضى له ان يحزن بسببه
ولكنه كلما تذكر صحبته
و الطريق الحافل الذي امامه
وقرب وصوله الى هدفه

راجع نفسه مرة اخرى
واستمرت حيرته
و تاخر مستواه
وظهر صمته بين صحبته

ويزداد حزن الملك
وقلقه
و حيرته على خادمه الاول
الذي زرع فيه كل علمه و مهاراته
زرع فيه كل خبرته في ادارة شئون البلاد
اعده اعدادا يندر ان يحظى به احد
فقد اعده ليكون اعظم ملوك عصره و مكانه

فهل تستمر حيرة الخادم ؟؟
هل يستمر حزن الملك ؟؟
هل سيعود الخادم الى سيده ؟؟
هل سيترك الملك خادمه يجرب طريقه و يختبر تعاليمه التي علمها له ؟ ؟؟
ويبقى الاسؤال الاهم : هل كان الخادم ناكرا لجميل سيده ؟؟؟

وتستمر هذه الاسئلة ,,, بلا اجابات شاافية لاي منهما

ثم ها  هي الطريق قد شارفت على الانتهاء,,,

او هكذا يبدوا لهم.....!!!

النهاية

الخادم الحائر - 3

وهنا بدا الملك
يرسل الحمامات الزاجلات الى طريق خادمه
و هي تحمل رسائل تحذيرية
و عبارات و عيديه
تنذره بسوء الخاتمة
و تحذره من عاقبة هذه الطريق
على الرغم من ان الخادم في قمة سعادته في طريقه
فهي طريق ممهدة
مليئة بالمناظر الطبيعية على جانبيها
تعطي فرصة كبييرة للتاملل و التفكر
يشعر اثناء مسيره فيها بالراحة و السلام الداخلي
وهو ما افتقده كثيرااا اثناء رحلته في طريق الملك
على الرغم من ان الوجهة واحدة

و كلما تلقى رسالة من رسائل الملك
ظهر قليل من الخوف في قلبه
هل يا ترى انا في الطريق الصحيح ؟؟
هل ما فعلته هو القرار الصائب ؟؟
هل كان يجب علي المغامرة ؟؟
هل انا ناكر للجميل ؟؟
هل قد خنت الملك بفعلتي هذه ؟؟

و تزداد الاسئلة و الافكار
التي لا تورث له الا التعب في طريقه
بل انها تنغص عليه صفو طريقه 
ولا يعرف لها اجابة
يستمر في طريقه
وهو يتمنى من كل قلبه ان تكون صحيحه
فبعد ان كان يوقن تمام اليقين انها ستصل به الى وجهته
بدات تراوده الشكوك مع كل رسالة من رسائل الملك
من الملفت انه تعرف خلال هذه الطريق على عدد اخر من الخدم
كلهم سلكوا نفس الوجهة
ليقصدوا نفس الهدف
كما تعرف الملك على عدد اخر من الملوك
كلهم سلكوا نفس طريقه
ليصلوا الى نفس االهدف 
و اغلبهم اصطحب خادمه معه
فخدامهم خدام مطيعون....
وزادت حسرة الملك في قلبه
وزاد حزنه
عندم رأى جميع الملوك يصطحبون خدامهم ليساعدوهم
اما هو فقد تركه خادمه....
فرفق لحاله ملك اخر ....

يتبع ,,,,

الخادم الحائر - 2

يصر الملك على اصطحاب الخادم معه في طريقه و شارعه ,, و يؤكده له "هذا الطريق سيصل بنا الى ما نريد "
فيساله الخادم "سيدي ,, هلا دللتك على طريق اخر يصل بنا ايضا الى ما نريد "
فيرفض الملك رفضااا قااطعااا ويابى الا ان يسيرا في الطريق الذي يريده
و تستمر محاولات الخادم معه ,, ارجوك سيدي دعنا نصل الى وجهتنا بطريقة اخرى
ويستم رفض الملك
فعندما يئس الخادم تقدم الى سيده بخدمة
طلب منه ان يتركه
يخوض تجربته الاولى
في ان يتخذ طريقه بنفسه
ويثبت للملك على المدى البعيد
انه سيصل به الى وجهته
وسوف يكون اكثر نضجا من ذي قبل
وسيتعلم فيه اكثر مما تعلمه الملك في طريقه
بل و ستكون فرصة رائعه لتطبيق كل ما تعلمه من الملك

فالخادم يرى ان الطريق التي سيسلكها الملك طرييق ملتوية ,, ستاخذ الكثير من الوقت حتى تصل به الى ما يريد
وتحت ضغط يوافق الملك
ولكن و عينه تملئها الاسى و الحسرة
فهو حزين على خادمه الذي رباه و علمه و صنعه ليكون خليفته
حزين على مجهوده الذي بذله معه و في النهاية ها هو ينفرد برايه و يقرر ان يخوض طريقا غير طريقه

وساورت الملك الظنون و المخاوف
فخاف عليه الضياع في الطريق التي لا يعرف عنها الملك شيئا
ولا حتى الخادم
ولكن الخادم يقرر استكشافها فهو يرى انها ستكون اقصر من غيرها
يرى فيها بصيصا من نور الامل ياتي من بعيييد
و يجري هو نحوه في لهفة

خائف على خادمه في كل خطوة
في كل حركة
فلو اصابه مكروه فسوف تضيع بلاده
سوف يحكمها المفسدون المخربون
و سيضيعون امجاد حكمه
سيهدمون انجازاته
سيستعبدون شعبه
كلما ساورت الملك هذه الظنون زاد خوفه و شكه اكثر و اكثر
و هنا قرر قراره
لا بد ان يصحبني خادمي باي طريقة

لا بد من ان يعرف خطورة ما هو مقدم عليه
يكفي اننا جميعا لا نعرف ما هو
كلها مجرد امال و طموحات و رجائات.....

يتبع .,,,

الخادم الحائر -1

خرج الملك ذات مرة في رحلة طويلة
و بحث طويلاااا بين خدمه وح شمه و وزرائه و امرائه
فاختار من بينهم اكثر خدمه طوعا له
واختار منهم اكثر خادم يحبه
ويستريح له
فقال له "استعد يا عزيزي فنحن ذاهبون الى رحلة طويلة لا يعلم متى ننهيها الا الله عز وجل "
فساله خادمه
"عفوا مولاي ... و لكن هلا دللتني الى اين نحن ذاهبون "
قال" ستعرف في حينه "

جهزوا رواحلهم و حزموا امتعتهم و اصطحبوا معهم الكثير من الزاد و العتاد لسفرهم الطويل
و بداو رحلتهم
وظل الملك طيلة الرحلة يعلم خادمه الكثير و الكثير من القيم و المباديء و المثل العليا
فهو في قرارة نفسه يعده لان يكون خليفته
قد  يكون الخادم يعلم
وقد  يكون لا يعلم
ولكنه في كل الحالات اكتسب في هذه الرحلة العديد و العديد من المهارات
و اصبح اكثر نضجا من ذي قبل
فاصبح له عقله يفكر بيه
و يعي بيه الامور و يزنها بميزان الدين  الاخلاق و القيم
واصبح ذو قدرة على اتخاذ القرار المناسب في المكان و الوقت المناسب
بل واصبح اكثر تحملا للمسئولية من ذي قبل

باختصار .. يمكننا القول بان حياة الخادم قد اختلفت ,, فلم يعد خادما ,, لكنه لا يزال في صحبة الملك ,, الذي يدين له بالفضل في كل ما وصل اليه ولا يزال يعتبره في النهاية سيده لا يمكنه الخروج عليه

حتى وصلااا الى نقطة حاسمه
مفترق طرق .....

يتبع ,,, 

قالك خصوصية ؟!!

-عارف يا زكي من اهم المشاكل الي بنعاني منها حاليا 
هي  ضياااع مفهوم الخصوصية 

-خصوصية ؟!! ... خصوصية مين يا ابو خصوصية ؟!!

- يا عم والله بتكلم بجد ,, خصوصية يعني انت يبقى ليك خصوصية ,, يعني في حاجات بتاعتك انت مش من حق حد يعرفها غيرك 

- ليييه بقى ان شاء الله ... هو انت بتعمل حاجة عيب ولا حرام ؟؟!!

- لا اله الا الله ... و هو انا اي حاجة عايز احتفظ بيها لنفسي ومش عايز حد تاني يعرفها تبقى عيب او حرام ؟!!

- اه والا ايه الي مخليك عايز تخبيها من الناس ؟!! 

-يبني افهم !!... من حقك انك يكون ليك اسرار بينك و بين نفسك ممكن تكون حاجات انت بتخططلها ,, ممكن تكون كلمات ليها معاني معينة بالنسبالك ,,, ممكن تكون علاقتك باشخاص معينين ,,, و متعصبنيش بقى يا عم انا كده هقولك على خصوصياتي عشان تقتنع !!! :D 

-ايوة و ايه الي يمنع بقى انك تقول الحاجات دي للناس و تعرفهالهم يعني ؟!!
ما هو طالما كل ده in puplic و مفيهوش Feelings  ,,, سووو واااات ؟!! (so what يعني ,, معلش زكي الانجليزي بتاعه بعافية حبتين :D )

-لأ ساعات كده في حاجات انا ك عبده بدايق لما حد يعرفها غيري زي الي قلتهالك دي 
ده غير انها غالبا هكون انا بس الي فاهمها ,, ولو قلتهالك و فهمتها فده تعدي منك على خصويتي 

- تااااني هيقولي خصوصيتي .. يبني مقولنا مفيش حاجة اسمها كده 

- طب بص يا رمضان انا هقولك على حاجة هل مثلا انت ترضى دلوقتي اني اجي اعرف كل حاجة عن حياتك ,, كل كبيرة و صغيرة .. كل حاجة كل حاجة ؟!!

- طالما انت صاحبي و انا واثق فيك ,, و مفيش حاجة غلط بعملها ايه المشكلة 

- شوفت ,, اديك قولتها اهو انك تكون واثق فيا ,,, تخيل مثلا مثلا يعني انك قلتلي انك داخل دلوقتي على تحدي معين او على مرحلة معينة في حياتك و مرحلة جميلة و حلوة بس لسه في اولها و قلتلي ادعيلك فيها حاجة وحشة دي ؟!

- لأ طبعا 

- طيب قوم ايه بقى ,, جيت انا رحت بقيت بقول لكل الناس الحقوا ده زكي (او رمضان .. مش هتفرق ) داخل على مرحلة جديدة في حياته و هتبقى مرحلة جامدة وجميلة حلوة و هيعدي و و .. هتبقى مبسوط 

- ممم مش عارف بقى ,, على حسب ساعتها المرحلة دي عاملة ازاي

- طب بص يا عم عشان ننهي الكلام يعني 

كل واحد فينا عنده حاجات في حياته ,, مش من حق اي حد يتطفل عليه و يعرفها 
ممكن تكون جملة ,, ممكن تكون كلمة ,, ممكن تكون حاجة انت عايز تعرفها في نطاق معين و مش عايز حد خارج النطاق ده يعرفها 
ممكن تكون ورقة انت لازقها عالحيط عندك ,,, جملة كاتبها في كشكول ,,, رسمة معينة بتعني لك الكثير ,,, ساعات ممكن يكون رايك حتى بتعوز انك تنشره في نطاق معين ومش عايز حد بره النطاق ده يعرفه ...

- يا عم ليييه ما حنا في عصر الحريات دلوقتي و كل واحد بيقول الي هو عايزه و مبيهموش ,, 

-يبني افهم ,, ساعات في ناس انت عارف انهم هيفهموا رايك و يناقشوك فيه بموضوعية
وفي ناس تانية مش هتفهم رايك و هتفسر كلامك على الناحية الي هي عايزاه 
وكل واحد ياخد من كلامك الي هو عايز يفهمه و يعتقد ان هو ده الصح و الكلام ده يتحسب سواء ليك او عليك
انا بقى مش عايز كده ,,, انا عايز الكلام الي اقوله ناس معينة الي تسمعه و تشوفه و تفهمه و بس كده الباقي مالوش فيه 

- تمااام يا واد اقنعتني ,,, طب و حوار بقى ان في حاجات ميعرفهاش غيرك دي و بتسميها خصوصية 

- بص هضربلك مثال صغير 
ممكن يكون انت عندك مشكلة كبيرة بتؤذيك جدا و بتحاول تحلها بكل الطرق 
بس مش عايز حد يعرف بالمشكلة دي غيرك اكيد الواحد فينا مش هيبقى مبسوط انه يمشي ينشر غسيله عند الي يسوى و الي ميسواش ؟!! 

- اه تمام عندك حق 

- بس فساعات بقى تلاقي ناس قافشة تعرف مالك و في ايه و ايه المشكلة الي عندك 

- ايوة يا عم مهما نيتهم خير عايزين يساعدوك 

- يا عم على عيني و على راسي و دي حاجة احترمهم عليها جدااا بس نفسي يفهموا اني طالما مقلتش يبقى مش حابب حد يعرف 

-نظرية بردوا 

- كمان ساعات عشان تحل المشكلة دي بتحتاج تكتب حاجات تفكر بيها نفسك دايما بحلها 
ساعات بتحب تحكي مع نفسك عن المشكلة و اسبابها ,, تكتب كام جملة يحفزوك انك تحلها على خير 
تلاقي ناس بقى تفتح كشاكيلك عادي ,,, او تدخل اوضتك  بدون اذنك عادي , او ويفتح شنطتك بدون اذنك عادي ,, او  يقلب في موبايلك برده عادي 

- لا مالهومش حق :D

- كمان في حاجة ,, ان ساعات صاحبك عشان هو صاحبك بتلاقيه قافش انه يعرف كل كبيرة و صغيرة عشانك 
وانا كنت كده زمان ,, بس لما كبرت شوية و اكتشفت موضوع الخصوصية ده لقيت ان فعلا من حق كل واحد يبقى عنده مجموعه اسرار يحتفظ بيها لنفسه مش لازم اكون انا رخم يعني عشان صاحبه 

- طب ما انت كده مبتساعدوش لو عنده مشكلة ,, ما جايز يكون عنده مشكلة و محتاجك فيها بس انت مش عارف 

- لا اقولك بقى تعمل ايه ,, انت تعرفه انك حاسس انه عنده مشكلة ,, و مش هتتطفل عليه و تجبره يحكيهالك , بس فهمه انك جاهز لمساعدته في اي وقت يحتاجلك فيه ,, صعب كده ؟!

-لا عداك العيب و قزح :D D: 

-كمان حاجة ,,, ال Faccebook ده بقى بلوة لوحده
تلاقي ناس كل علاقتك بيكم كانت انكم اتقابلتو لمدة 30 ثانية وقالك سلام عليكم و اسمك ايه و عرفتوا بعض 
باعتلك ادد عالفيس بوك 

- يا عم وايه المشكلة ؟! ما تضيفه 

- يبني هو حسابي عالفيس مش اسمه حساب "شخصي" واخدلي بالك انت من شخصي دي 
في كلام بيتكتب فيه  لصحابي مينفعش عامة الناس  تشوفه 
وفي صور بيني و بين صحابي مش هبقى مبسوط لو حد معرفوش شافها 
او حتى حد علاقتي بيه سطحية 
و في النهاية انت لو مضيفتوش يزعل !!! لأ و الانيل تلاقي ناس متعرفهومش اصلا باعتينلك ادد !!! طب ده انا اضيفه عندي بامارة ايه !!!

- ممكن يكون عندك حق فعلا ,, بس زي ما بيقولو معرفة الناس كنوز 

- تمام معرفة الناس كنوز بس انا ممكن اتعرف عليه و نبقى صحاب و بعدين اضيفه عادي معنديش اي مشاكل ,, انما اضيف واحد مفيش بيني و بينه اي علاقة ليه 

- تمام انت صح 

- اخيييييراااااا اقتنعت يا هنيدي 

- اه يا عم نسبة كبيييرة من كلامك  صح 

- طيب تمام الحمد لله 

- مقولتليش بقى ايه لازمة الحوار ده كله ؟!

- افضل احتفظ بالاسباب لنفسي 

- ليه حد زعلك في حاجة او اقتحم عليك خلوتك ,, قول يبني متتكسفش ;)

- يااااااادي النيييييييلة 
 مفيش فاااايدة :D