يوم مختلف من عمري :)

السلام عليكم
رواية شبه مفصلى للي حصل عند مقر الاخوان في الاسماعيلية

انا رحت هناك متاخر كده بعد تقريبا ما الضرب كان شغال بقالو ساعه ونص
المنظر الي شفته لما رحت ..... ناس شكلهم سرس و كانو واقفين بعيييد بيجهزو مولتوف ..وواحد فيهم كان قالع هدومه :D :D
وبعدين لما قربت شوية لقيت في ناس بتضرب من بعيد طوب
اول حاجة جت في بالي اكلم الشرطة (غلبان قوي انا :D (
كملت شوية لقيت الامن واقف قدام ...وبيضرب :D
عامل كردوون كبيير قبل المقر بشوية ..وكل شوية حد يروح يتخانق معاهم
رحت قلت طب انا دلوقتي لمااعوز اكلم حد يجي يحل الموقف ده اكلم ميين :D D:
فضلت واقف بعيد شوية بتفرج ... ونفس المنظر و ناس شكلها والله غلط قاعدة بتحدف طوب و بتشتم شتايم قذرة ...و شايف طوب بيتحدف عليهم من هناك
وبعدين من ورا كان في اشتباكات بي شباب الاخوان و الشباب دول ..لانهم كانو بيحاولو يلفو من ورا العماير و يروحلهم من الناحية التانية
سمعت صوت 5 طلقات ..افتكرت البوليس بدا يتدخل
عرفت وبعدين لما قربت عرفت ان مكانش في عسكري هناك
كانت حرب شوارع بين ال"بلطجية دول " و شباب الاخوان
و لما سالت الناس الي راجعه من هناك قالولي ان العيال دول معاهم "مقاريط " "معرفش ايه ده بس تقريبا مسدس يعني :D "
ومعاهم خرطوش
الامن كان وااقف بيتفرج ..والله تقريبااا الاخوان هما الي كانو بيحمهوهم ..كانو منعين الناس يوصلولهم
بعدين بعد فترة تقريبا نص ساعه جه راجل كبيير كده تقريبااا لوا كبيير في الداخلية
قعد يزعق للظبطاط الي واقفين
و راح قالهم انا بعت طلبت امدادات ...معرفش ليه :D
جه عربيتين او 3 امن مركزي كمان و مدرعه ..وبقى في 5 مدرعات امن مركزي
نزل منهم عساكر معاهم عصيانهم و البنادق بتاعة القنابل المسيلة للدموع
و الظابط قال للاخوان رجعو كل الناس بتاعتكم الي هناك عشان هنتعامل و هنضرب
الكلام ده بعد تقريبا 3 ساعات من الاشتباكات
الاخوان كلهم رجعو ...والامن دخل 5 قنابل مسيلة للدموع و العيال دي كانت فرقعت :D وبعد 10 دقايق المدرعه خدت كام لفة حوالين المنطقة تتاكد انهم روحو ...و بعدين استقرت الاوضاع

الامن حلها في 5 دقايق ... تفتكرو ليه كان سايبهم يضربو في بعض 3 ساعات ؟!!...مش لاقي اجابة لغاية دلوقتي
سمعت بوداني
لما بدا الامن يتعامل واحد من الاخوان راح قايل لو اي حد رمى اي طوبة حتى لو اخ نوموه عالارض و سلموه للامن
شفت بعيني .... 3 من الاخوان عندهم اصابات بخرطوش في وشهم !!!!
..كلهم ناس محترمة وفيهم 2 كبار
لغاية دلوقتي مش لاقي مبرر يخلي واحد ينزل يتظاهر تظاهرة سلمية و معاه خرطوش

شفت هناك ناس من ال"ثوار " الي كنت للاسف بهتف وراهم ايام الثورة ... كان مع الناس الي بتضرب وروح بعد ما جتله طوبة فر رجله و روح بيعرج
شفت بنات ... مش عارف ازاي يعني .. بس كانو هناك و بيشتمو و بيحسبنو و وبيضربو و بيسخنو في العيال...وبرده عارفهم شفتهم في المظاهرات قبل كده
مش هقول 6 ابريل او كفاية لاني مش متاكد من ده .. بس بنسبة كبيرة كده
الاخوان مسكو واحد من الي كانو بيضربو ...و بعدين لقو معاه حشيش و امه حت تصوت ...وطلع انه ساكن جنب المقر و نزل يهيص مع الهيصة .... و سلموه لابوه عمل معاه السليم

في واحد اتمسك و كل علقة محترمة راح بعديها المستشفى ... معرفش ايه ظروف الموضوعد ه بس هو اتمسك عند مقر الاخوان و كل علقة صح يعني :D
سالت ناس كتير من الاخوان بتضربوهم ليه .... كان في سببين
اول سبب انهم بيدافعو عن نفسهم .... لان الناس دي كانت بتتظاهر و بتشتم شتايم قذرة ...و بعدين بداو يحدفو طوب ..والامن كان واقف يتفرج ..فبدا الاخوان ينزلو يدافعو عن نفسهم
السبب التاني هما عايزين يمسكو  اي واحد فيهم عشان يعرفو هما تبع مين و ايه الي باعتهم و كده

في ناس كتيير قوي من الاخوان مصابين ...كان في مستشفى فوق فيه ادوية كتيرة و بعتو جابو حقن و المصابين اول باول كانو بيطلعو يتعالجو فوق ..وناس كتير عندها اصابات في دماغها ..

موقف اثر فيا
بعد ما الدنيا هدت لقيت اواحد  قاعد مدايق ... فبساله مالك ... قالي انه مدايق عشان في واحد من العيال دي اتمسك تحت ..وهو من عصبيته راح شاتمه شتيمة وحشة يعني ....وقاعد مدايق من ساعتها انه شتمه !!!!!!

في اخت "ثورية " رجعت كتبت عالفيس ان الاخوان بيخطفو الناس في المقر فوق و بيضربوهم و بيسحلوهم و مش عارف ايه
انا طلعت مقر الاخوان اكتر من مرة .... مكانش في اي حاجة من دي ..كل الي فوق اخوان :D